Алсу Фазлыева тегүчесе шаккатырлык дәрәҗәдә ябыккан
Җырчы Алсу Фазлыева тегүчеләрен шаккатырырлык дәрәҗәдә ябыккан.
«Кичә киемнәрне тарайтырга дип барган идем. Тегүчеләр шаккатты. «Тарайтканчы, яңа кием тектерү яхшырак булыр», – диделәр. «Ул кулларыгыз, ул аяклар, ул йөзләрегез! Нишләдегез?» – диләр.
Аллаһка шөкер, дөрес тукланам, су, көнгә 2 тапкыр коктейль эчәм. Спорт белән шөгыльләнеп булмый, мин аны яратмыйм да инде. Туклану гадәтләрен дөрес формалаштырганда, артык килограммнар барысы да китә. Теләк кенә булсын», – дип сөйләгән җырчы сторисларында.
Бер язылучысы исә, Алсуның күптән түгел генә операция кичерүен искә алып, болай дип язып куйган:
«Бик кызык сөйлисез. Башта – операция, аннан минус 15 килограмм. Ичмасам, операция булганын әйтәсе түгел иде. «Дөрес тукланам» дигәнегезгә кеше ышанган булыр иде», – дигән ул, Алсуны «пластик операция ясаткан» дип фаразлап.
«Минус 15 артык күп, минус 5 килограмм да җитә миңа. Башны эшләтмәсәң, нәрсә ашаганыңны контрольдә тотмасаң, бернинди операция дә ярдәм итми», – дип җавап кайтарган аңа Алсу.