«Кая югалды дигән идек» – Алсу Фаракшина тагын бер тапкыр әни булган!
13
Алып баручы, пародияләр остасы Алсу Фаракшина бәби тапкан.
«Әлхәмдүлилләһ! Икенче тапкыр әни булдым! Машааллаһ», – дип яза ул социаль челтәрләрдә.
Әлеге хәбәр күпләр өчен көтелмәгән булып чыккан. Алсу Фаракшинаның әни булырга җыенып йөрүен бөтенләй белмәгән кешеләр дә булган.
«Кая югалды, дигән идек аны. Котлыйбыз», «Бик әйбәт яңалык. Бәхетле сабый булсын», «Менә бу хәбәр, ичмасам», «Мин ничек күп әйберләрне белмичә калганмын. Нык, таза-сау булып үсегез», «Чынлап? Ничек моны сизмичә калдык соң без? Котлыйбыз», – дип язганнар Алсуга сәхнәдәш дуслары.
Алсу Фаракшина ире Альберт белән бер кыз тәрбияли. Икенче бәбиләренең малаймы, кызмы икәнлеген Алсу әлегә сер итеп калдырган.