Композитор Марат Мухин хатыны Гөлия Вәлиәхмәтовага нишләп «яратам» дип әйтми?
Композитор Марат Мухин белән хатыны блогер Гөлия Вәлиәхмәтованың гаилә мөнәсәбәтләре башкаларныкыннан аерылып тора. Алар бер-берсенә «яратам» дип төчеләнми, бергә йокламыйлар һәм яңа төзелә торган йортларында аерым йокы бүлмәләре булдырырга җыеналар.
«Ә нәрсәгә гел бергә йокларга? Минем фикеремчә, төн – ул тынычлап йоклар өчен», дип социаль челтәрдәге сәхифәсендә сөйләгән иде Гөлия. Хатынының бу идеясе белән Марат килешкән дип аңларга кирәк.
Гөлия Вәлиәхмәтовага язылучылары «Марат сезгә көнгә ничә тапкыр «яратам» дип әйтә» дип сорау биргән. «Нинди көнгә! Гаилә корганга 4 ел, бер ай элек беренче тапкыр ишеттем. Бәлки 4 елга бу икенче тапкыр булгандыр», – дип язган блогер.
Марат Мухин хатынының бу җавабын социаль челтәрдәге битенә куйган һәм нишләп «яратам» дип әйтмәвен аңлаткан.
«Мин муси-пуси һәм мин сина яратам» кебек сүзләрне яратмыйм» дигән Гөлия сорауларга шулай җавап бирә дигән композитор.
«Монда мантыйк кая», – дип аптырый Марат Мухин.
«Хатын-кыз мантыйгы – ул мантыйк булмауда. Әйе, әйе, без шундый», – дип тынычландырган аны берәү.
Әле бар ай элек кенә композитор хатыны белән төшкән видео куйган иде, анда ул «мин сине яратам» дип язып , хәтта кайберәүләрдә гаилә кору теләге дә уяткан иде.