Филипп Киркоров Казан концерты турында: «Татар милли костюмы элементларын кулланачакмын»
43
Россиянең халык артисты Филипп Киркоров «Мисс БРИКС 2026» беренче халыкара матурлык конкурсының жюри составында иде. «Казан Экспо» күргәзмә үзәге сәхнәсендә узган финал артистны яңа иҗади экспериментларга илһамландырган. Бу хакта ул «Татар-информ»га сөйләгән.
«Мин бу тамаша белән илһамландым. Иртәгә Казанда узачак тамашамда мин, һичшиксез, татар милли костюмы элементларын кулланачакмын», – дип сөйләгән артист.
Киркоров шулай ук конкурсның югары дәрәҗәдә оештырылуына игътибар итә.
«Бүген бу искиткеч матурлык бәйрәмендә жюри әгъзасы булу – минем өчен аерым бер хөрмәт», – дип белдерде җырчы.
Киркоровны татар милли костюмыннан күз алдына китерә аласызмы?